Brian Kidd

Brian Kidd
Statsborgarskap	Storbritannia
Fødd	29. mai 1949 (75 år) Manchester
Yrke	fotballspelar, fotballtrenar
Språk	engelsk
Høgd	178 centimeter
Brian Kidd på Commons

Brian Kidd (fødd 29. mai 1968) er ein ein engelsk tidlegare fotballspelar frå Manchester som i 1968 var med å vinne Europacupen i fotball for Manchester United. Midtspissen fekk to opptredenar i Englands landslagsdrakt våren 1970.

Klubbspel

Kidd ligadebuterte på Manchester United i sesongopninga i august 1967. På 19-årsdagen i 1968 skåra han det tredje målet då Manchester-laget tok heim den fyrste europacup-pokalen gjennom finalesiger 4-1 over Benfica på Wembley stadion i London.

Etter at Manchester United våren 1974 rykte ned i 2. divisjon, vart Kidd overført til Arsenal. Etter to sesongar i London-laget gjekk turen tilbake til Manchester, då til spel med Manchester City. Her var han med i den tette innspurten i 1. divisjon 1977 som enda med at City kom på andreplass bakom Liverpool FC. I mars 1979 signerte han for Everton, der han vart verande til han sommaren 1980 vart overført til Bolton og spel i 2. divisjon i halvtanna år. På tampen av karrieren tente han peng hos fleire USA-amerikanske lag.

Langdslagsspel

Kidd deltok i to landskampar for England i april-mai 1970. Han spelte heile kampen då Nord-Irland vart slått i London, medan han var innbytar mot Ecuador i Quito der han skåra det andre målet i ein kamp som enda med siger 2-0.

Sidan han la opp som spelar, arbeidde Kidd i fleire ulike fotballklubbar, mellom andre Manchester United 1988-98 og Manchester City 2009-21.

Merittar

• Vinnar av Europacupen: 1968 med Manchester United

Kjelder

• Denne artikkelen bygger på «Brian Kidd» frå Wikipedia på engelsk, den 5. mai 2018.

• eu-football