Erik Hajas
| Erik Hajas | |
| Statsborgarskap | Sverige |
| Fødd | 16. september 1962 (61 år) Huddinge |
| Idrett | handball |
| Tok del i | |
Laszlo Erik Hajas (fødd 16. september 1962) er ein svensk tidlegare handballspelar frå Huddinge. Med Sverige sitt landslag vann han i tida 1990-96 VM-gull, EM-gull, to OL-sølv og to VM-bronsar. Hajas var ein svært kjapp venstre-kantspelar.
Karriere[endre | endre wikiteksten]
Klubbspel[endre | endre wikiteksten]
Hajas spelte 1979-88 på SoIK Hellas. Sidan var han aktiv to periodar i IF Guif, fyrst 1988-90 og sidan 1992-2000 i Guif att. Han var toppskårar i den svenske eliteserien 1987, 1989, 1995, 1996, 1997 og 1998. 1990/91-sesongen gjorde han teneste i spanske Puerto Cruz.
Landslagsspel[endre | endre wikiteksten]
Hajas deltok åra 1984-97 i 281 av Sverige sine landskampar og skåra 993 mål. Han var med både tre olympiske sommarleikar i rad 1988-96, i dei to siste leikane nådde Sverige OL-finalen. I 1990-verdsmeisterskapen skåra han tre av finalemåla då Sverige vart verdsmeister i handball for fyrste gong sidan 1958. Fire år seinare vart han toppskårar i EM-finalen for Sverige, med sine 8 nettkjenningar bidrog han sterkt til at det vart svensk triumf.
Merittar[endre | endre wikiteksten]
- VM 1990: Gullmedalje, 27-23 mot Sovjetunionen
- Sommar-OL 1992: Sølvmedalje, 20-22 mot «Sovjetunionen»
- VM 1993: Bronsemedalje, 26-19 over Sveits
- EM 1994: Gullmedalje, 34-21 over Russland
- VM 1995: Bronsemedalje, 26-20 mot Tyskland
- Sommar-OL 1996: Sølvmedalje, 26-27 mot Kroatia
Kjelder[endre | endre wikiteksten]
- Denne artikkelen bygger på «Erik Hajas» frå Wikipedia på svensk, den 24. juni 2024.