Fættenfjorden
Fættenfjorden er ein 2 km lang sidefjord til Åsenfjorden ved Trondheimsfjorden. Fjorden startar mellom Blekkpynten og Paradisbukta, nordaust for Saltøya og stoppar inne i Fætten, sørvest i Vuddudalen i Levanger. På andre sida av Blekkpynten ligg Langråsa.
Ordet Fætten kjem frå det norrøne ordet fit, som tyder om lag 'flatvoren, frodig eng attmed vatn'.[1]
I Fætten, inst i fjorden, er det ein del hytter og ein campingplass.
«Tirpitz» i Fættenfjorden[endre | endre wikiteksten]
![](http://chped.net/https/upload.wikimedia.org/wikipedia/commons/thumb/5/5f/German_light_cruiser_K%C3%B6ln_in_F%C3%A6tten_Fjord_on_19_July_1942.jpg/220px-German_light_cruiser_K%C3%B6ln_in_F%C3%A6tten_Fjord_on_19_July_1942.jpg)
![](http://chped.net/https/upload.wikimedia.org/wikipedia/commons/thumb/0/0a/Tirpitz_War_Memorial.jpg/220px-Tirpitz_War_Memorial.jpg)
Det tyske slagskipet «Tirpitz» låg inne i Fættenfjorden med 2600 mann i ein periode under den andre verdskrigen frå 16. januar 1942 til 29. oktober 1943. I denne perioden gjennomførte det britiske Royal Air Force fire mislukka raid for å senkja skipet, og mista 12 bombefly.
I 1985 vart det avduka eit minnesmerke over dei allierte styrkane som fall under aksjonane i Fættenfjorden, og dei nordmennene som risikerte livet for å hjelpa. Ein kan sjå monumentet frå E6.