Georg Pauli
Georg Pauli | |
![]() | |
Statsborgarskap | Sverige |
Fødd | 2. juli 1855 Jönköpings Kristina församling |
Død |
28. november 1935 (80 år) |
Yrke | kunstmålar, forfattar |
Medlem av | Opponenterna, Grezkolonien |
Ektefelle | Hanna Pauli |
Georg Pauli på Commons |
Georg Vilhelm Pauli (2. juli 1855–28. november 1935) var ein svensk målar, særleg kjend for sine store, dekorative måleri. Også kona hans, Hanna Hirsch-Pauli, var målar.
Liv og gjerning[endre | endre wikiteksten]
Pauli var fødd i Jönköping, der far hans var apotekar. På 1870-80-talet studerte Pauli ved Konstakademien i Stockholm, sidan i Paris og Italia. Han gjorde elles mange studiereiser til utlandet.
![](http://chped.net/https/upload.wikimedia.org/wikipedia/commons/thumb/d/d6/Villa_Pauli%2C_salong%2C_v%C3%A4ggm%C3%A5lning%2C_2014e.jpg/220px-Villa_Pauli%2C_salong%2C_v%C3%A4ggm%C3%A5lning%2C_2014e.jpg)
Pauli arbeidde mykje med utsmykkingsoppgåver. Han laga såleis freskar i Göteborg gamla museum, Södermalms läroverk og på Östra Real i Stockholm. I Per Brahegymnasiet i Jönköping forma han i 1913-14 kubistisk-liknande veggmåleri som i samtida vekte stor debatt, grunna dei nakne mannekroppane. Liknande arbeid finst i Stockholms stadshus, samt i Kungliga Dramatiska Teatern i Stockholm. Pauli laga også veggmåleri i Handelsbanken sitt hovudkontor i Stockholm, samt nokre små, fine veggbilete for prins Eugen på Waldemarsudde.
Til liks med fleire av dei unge svenske målarane som debuterte på 1880-talet, høyrde Pauli til kunstnargruppa Opponenterna. Han skreiv ein heil del om kunsthistorie, mellom anna Ernst Josephson (1903 og 1914), Konstnärslif och om konst (1913), I Paris, nya konstens källa (1915), Väggmåleri (1920), samt Prins Eugen (1925). Åra 1917-21 gav Pauli ut tidsskriftet Flamman.
Kjelder[endre | endre wikiteksten]
- Denne artikkelen bygger på «Georg Pauli» frå Wikipedia på svensk, den 3. februar 2014.