Indrek Toome
Indrek Toome | |||
| |||
Fødd | 19. september 1943 Tallinn | ||
---|---|---|---|
Død | 28. februar 2023 (79 år) | ||
Statsborgar av | Estland, Sovjetunionen | ||
Parti | Sovjetunionens kommunistiske parti (1968; 1990) | ||
Yrke | politikar, forretningsdrivande, eiendomsutvikler | ||
Utdanna ved | Tallinns tekniske universitet | ||
Verv | Regjeringssjef i Den estiske sosialistiske sovjetrepublikken 16. november 1988–3. april 1990 | ||
Føregangar | Bruno Saul | ||
Etterfylgjar | Edgar Savisaar | ||
Alle verv |
Indrek Toome (19. september 1943–28. februar 2023) var ein estisk politikar. Han var blant kommunistleiarane som støtta perestrojkapolitikken og slik bidrog til at kommunistpartiet tolererte den estiske sjølvstenderørsla.[1][2]
Karriere[endre | endre wikiteksten]
Toome utdanna seg til elektroingeniør og steig deretter raskt i gradane i Komsomol og Estlands kommunistiske parti.[1][2]
Toome blei medlem av Det øvste sovjetet i Den estiske sosialistiske sovjetrepublikken i 1972, og i november 1988 blei han regjeringssjef for sovjetrepublikken. På same tid vedtok Det øvste sovjetet at deitville hevda større estisk sjølvråderett.[1][2][3][4][5] Toome medverka til at sovjetleiaren Mikhail Gorbatsjov erstatta Karl Vaino med den reforminnstilte Vaino Väljas som fyrstesekretær i Estlands kommunistiske parti.[1][2]
I mars 1990 erklærte Det øvste sovjetet byrjinga på ein overgangsperiode til estisk sjølvstende, og Toome overlet makta til ei overgangsregjering leia av Edgar Savisaar.[6][7] Toome fortsette som medlem av Det øvste sovjetet, no Det øvste rådet, fram til dei fyrste frie vala i det uavhengige Estland i 1992.[1]
Toome gjekk så til næringslivet og blei partner i eit eigedomsføretak.[1]
Kjelder[endre | endre wikiteksten]
- ↑ 1,0 1,1 1,2 1,3 1,4 1,5 Miljan, Toivo (2004). «Toome, Indrek». Historical Dictionary of Estonia (på engelsk). Rowman & Littlefield. s. 456. ISBN 978-0-8108-6571-6.
- ↑ 2,0 2,1 2,2 2,3 Gubrynowicz, Aleksander (2015). «Toome, Indrek». I Roszkowski, Wojciech og Kofman, Jan. Biographical Dictionary of Central and Eastern Europe in the Twentieth Century (på engelsk). Routledge. s. 1044–1045. ISBN 978-1-317-47593-4.
- ↑ Willersrud, Aasmund (17. november 1988). «Estland utfordrer Moskva». Aftenposten: 8.
- ↑ Strand, Tron (17. november 1988). «Taler Moskva midt imot». Bergens Tidende: 11.
- ↑ Willersrud, Aasmund (28. november 1988). «Knyttneve mot estisk frihetstrang». Aftenposten: 6.
- ↑ Sjöström, Sten (16. mars 1990). «Estland neste ut av Sovjetunionen». Dagens Næringsliv: 9.
- ↑ Strand, Tron (5. april 1990). «Sint Gorbatsjov truer Estland». Bergens Tidende: 11.
- Denne artikkelen bygger på «Indrek Toome» frå Wikipedia på bokmål, den 7. april 2024.