Kaluga
Kaluga Калуга | |||||
---|---|---|---|---|---|
| |||||
Plassering | |||||
Styresmakter | |||||
Land | ![]() | ||||
Føderasjonssubjekt | Kaluga oblast | ||||
Første gong nemnd Bystatus |
1371 1371 | ||||
Borgarmeister | Dmitrij Razumovskij | ||||
Geografi | |||||
Flatevidd - By |
125,5 km² | ||||
Innbyggjarar - Totalt (2007) - folketettleik |
327 500 2 609,6 /km² | ||||
Koordinatar | 54°36′0″N 36°36′0″E / 54.60000°N 36.60000°E | ||||
Høgd over havet | 190 moh. | ||||
Tidssone - Ved sommartid |
MSK (UTC+3) MSD (UTC+4) | ||||
Diverse annan informasjon | |||||
Postnummer | 2480xx | ||||
Retningsnummer (tlf) | (+7)4842 | ||||
Nettstad: www.kaluga-gov.ru |
Kaluga (russisk Калу́га) er ein by og administrativt senter i Kaluga oblast i Russland. Han ligg ved elva Oka, rundt 170 km sørvest for Moskva. Byen har om lag 325 000 innbyggjarar.
Historie[endre | endre wikiteksten]
Kaluga vart grunnlagd på midten av 1300-talet som ei grensefestning ved den sørvestlege grensa til Storfyrstedømet Moskva. Han vart første gong nemnd i historiske dokument i 1371. I mellomalderen var Kaluga ein mindre busetnad eigd av Vorotynskij-fyrstane, som hadde familiegods sørvest for dagens by. På 1700-talet voks busetnaden til ein handels- og administrasjonsby. Under Napoleonskrigane i 1812 var Kaluga hovudkvarter for general Mikhail Kutuzov.
Under den andre verdskrigen vart Kaluga okkupert av tyske styrkar frå oktober 1941, men vart gjenerobra av den raude armeen alt i desember 1941.
![](http://chped.net/https/upload.wikimedia.org/wikipedia/commons/thumb/a/a9/Space_museum_%28Kaluga%29.jpg/220px-Space_museum_%28Kaluga%29.jpg)
Kaluga er kjend for sin mest kjende innbyggjarar, Konstantin Tsiolkovskij, ein pioner innan rakettforsking, som vert rekna som den russiske romfarten sin far. Han byrja karrieren sin som skulelærar i Kaluga. Tsiolkovskij grunnla i 1892 eit institutt for fysikk i Kaluga. Den tidlegare bustaden hans er i dag eit russisk romfartsmuseum, tileigna hans teoretiske prestasjonar og deira praktiske bruk innan moderne romforsking.
Økonomi[endre | endre wikiteksten]
Kaluga har i de seinare åra vorte eit av sentra for bilindustrien i Russland, etter at fleire utanlandske produsentar har bygt fabrikkar i området.
I mai 2007 kunngjorde Volkswagen at dei ville bygge ein bilfabrikk i Kaluga, som stod ferdig i 2009. Investeringa var på over 370 millionar Euro. Fabrikken starta produksjon av Skoda Octavia i 2008 og i 2009 produksjon av VW-modellane Passat, Touareg og Polo. Fabrikken er planlagt for ein produksjon på 115 000 biler pr år.[1]
15. oktober 2007 starta Volvo bygginga av ein ny lastebilfabrikk, som stod ferdig tidleg i 2009. Fabrikken har ein kapasitet på 10 000 Volvo- og 5 000 Renault-lastebilar.[2]
12. desember 2007 kunngjorde PSA Peugeot Citroën at dei ønskjer å bygge ein ny bilfabrikk i Kaluga, som vart ferdigstilt i 2009. Fabrikken er bygt for produksjon av mellomstore biler.[3]
28. desember 2007 kunngjorde Mitsubishi Motors at de hadde ønskte om å bygge ein fabrikk i Kaluga med ein årleg produksjonskapasitet på 50 000 bilar.[4]
Transport[endre | endre wikiteksten]
Kaluga er knytt til Moskva via jernbane og den historiske «Kalugavegen», som i dag er hovudvegen E105. Kaluga Grabtsevo lufthamn ligg 6 km nordaust for sentrum av byen.
Kjende personar frå Kaluga[endre | endre wikiteksten]
- Konstantin Tsiolkovskij, rakettforskar
- Imam Sjamil, avarisk politikar
- Jurij Averbakh, stormeister i sjakk
Kjelder[endre | endre wikiteksten]
- Denne artikkelen bygger på «Kaluga» frå Wikipedia på bokmål, den 30. november 2008.
- Wikipedia på bokmål oppgav desse kjeldene:
- ↑ Volkswagen errichtet Fertigungswerk im russischen Kaluga Finanznachrichten.de, 26. mai 2006
- ↑ New Volvo Group assembly plant in Kaluga Arkivert 2007-11-01 ved Wayback Machine., Volvo Group corporate news, 15. oktober 2007
- ↑ PSA Peugeot Citroën to Build Plant in Kaluga, Russland, PSA Peugeot Citroën press release, 12. desember 2007
- ↑ Mitsubishi signs contract to build plant in Kaluga, RIA Novosti, 28. desember 2007
Bakgrunnsstoff[endre | endre wikiteksten]
- Offisiell nettstad for Kaluga Arkivert 2018-11-14 ved Wayback Machine.
- Regional informasjon
- Offisiell nettstad for Tsiolkovskij-museet Arkivert 2008-02-24 ved Wayback Machine.
- Forum Kaluga