Nils Isaksson Kulstad
Utsjånad
Nils Isaksson Kulstad | |
Statsborgarskap | Noreg |
Fødd | 1798 Vefsn kommune |
Død |
25. desember 1875 (77 år) |
Yrke | politikar, bonde |
Språk | norsk |
Nils Isaksson Kulstad (1798–25. desember 1875) var ein norsk gardbrukar, fiskar, lensmann og stortingsmann frå Vefsn i Nordland. Han var farfar til Nils M. Kulstad.
Faren var leiglending på garden Kulstad. Han tok over bygslet av garden etter far sin, og dreiv denne. I 1863 kjøpte han garden og dreiv han til ein son tok over. Han dreiv også fiske og var 1841-57 lensmann i Vefsn. Elles var han medlem av heradsstyret i mange år og av forlikskommisjonen.
Kulstad var 3. representant frå Nordlands amt på Stortinget både i 1839 og i 1842. I 1839 medlem av næringskomite nr 1, 1842 av justiskomiteen.
Han døydde på garden sin, Jomfruremma i Vefsn, i 1875.
Kjelder[endre | endre wikiteksten]
- Lindstøl, Tallak:Stortinget og Statsraadet 1814-1914. Kristiania, 1914